మృదువైన, కాంతివంతమైన  చర్మం కోరుకోని వారు ఉండరు. ఇటీవల అనేక కారణాల వల్ల చర్మం కాంతిని కోల్పోతుంది.. అదే విధం గా అనేకరకాల చర్మ సమస్యలు తలెత్తుతున్నాయి..మొటిమలు, యాక్నే, టాన్ వివిధ రకాల చర్మ సమస్యలను  తొలగించుకోడానికి  అద్భుతమైన చిట్కా ఇప్పుడు తెలుసుకుందాం...

 మెంతులు

మెంతులు చర్మకాంతిని మెరుగుపరచడానికి చాలా చక్కగా సహాయపడతాయి. మెంతులలో యాంటీ ఇన్ఫ్లమేటరీ, యాంటీ  బ్యాక్టీరియల్ గుణాలు అధికంగా ఉండడం వల్ల తరచూ చర్మం పై ఏర్పడే యాక్నే, పింపుల్స్ వంటి సమస్యలు, వాటి తాలూకు బాక్టీరియా ను చర్మం నుండి తొలగిస్తుంది. తద్వారా చర్మం మృదువుగా కాంతివంతం గా మారుతుంది. అయితే అసలు ఈ రెమిడీస్ ఏ విధం గా ఉపయోగించాలో ఇప్పుడు చూద్దాం...

మెంతులు - పాలు 

• మెంతులను పాలలో 2 గంటలు నానబెట్టాలి 
• ఆ తరువాత  మెత్తగా రుబ్బుకోవాలి
• ఈ మిశ్రమం లో కొద్దిగా నిమ్మరసం కలిపి ముఖానికి పూతలా రాసుకోవాలి. 
• ౩౦ నిమిషముల తరువాత గోరు వెచ్చని నీటితో కడగాలి.

ఇది చర్మం పై ఏర్పడ్డ నలుపు, పింపుల్స్ మరియు యాక్నే వంటి సమస్యలను తొలగిస్తుంది .. ముఖాన్ని అందంగా తెల్లగా మారుస్తుంది.. ఈ రెమెడీ ని వారానికి 2 లేదా 3 సార్లు వాడడం వల్ల ముఖం పై ఏర్పడ్డ మచ్చలు మొటిమలు తగ్గడమే కాకుండా చర్మం నిగారించేలా చేస్తుంది..

మెంతులు- తేనె-పాలు 

మెంతుల లో చర్మ ఛాయను మెరుగు పరిచే గుణం ఉంది ..

• చెంచా మెంతులపొడి లో కొద్దిగా తేనే ని, మిశ్రమానికి సరిపడా పాలను కలిపి ముఖానికి పట్టించాలి..
• 2 నిముషాలు సున్నితం గా మసాజ్ చేయాలి .
• 15 - 20 నిమిషాల తరువాత ముఖాన్ని శుభ్రమైన నీటితో కడగాలి ..

పాలల్లో లాక్టిక్ ఆమ్లం ఉండడం వల్ల  చర్మాన్ని తెల్లగా కాంతివంతం గా మారుస్తుంది. మెంతులు మరియు  తేనె లో యాంటీ ఏజింగ్ గుణాలు అధికంగా ఉండడం వల్ల ముఖం పై వచ్చే ముడతలను తొలగించి చర్మాన్ని మృదువుగా మార్చడం లో సహాయపడుతుంది..

మెంతులు - నీరు 

కొంతమంది కి ముఖం పై మొటిమలు ఎర్రని గడ్డలుగా వచ్చి మరీ ఇబ్బంది గా అనిపిస్తుంది. అలాంటి సమయం లో ..

• ఒక టీ స్పూన్ మెంతులను ఒక టీ గ్లాస్ నీళ్లలో మరిగించి చల్లారిన తరువాత ఆ నీటిలో  దూది ని ముంచి మొటిమలు ఉన్న ప్లేస్ లో అప్లై చేయాలి. 
• ఒక గంట తరువాత చల్లని నీటి తో కడిగేయాలి..

మెంతులలో యాంటీ సెప్టిక్ గుణాలు ఉండడం వలన ఈ సమస్యనుండి ఉపశమనం కలిగిస్తుంది .. ఈ విధం గా 2 - 3 రోజులు చేయడం వలన  సమస్య తగ్గిపోతుంది ..

యాంటీ ఏజింగ్‌ ఫుడ్స్‌

మొటిమలు,మచ్చలకు టీ ట్రీ ఆయిల్‌

ఈ వేసవి కాలం లో చర్మాన్ని సూర్యకిరణాల నుండి కాపాడుకొని అందంగా కనపడటానికి ఎన్నో రకాల ప్రయత్నాలు చేస్తున్నారా?. మీ చర్మాన్ని కాపాడుకోవడానికి ఉన్న ఒక మంచి మార్గం సహజ ఉత్పత్తులు.. ముఖ్యంగా ఇంట్లో తయారు చేసుకోగల ఉత్పత్తుల ని ఉపయోగించి మంచి ప్రయోజనాలను పొందవచ్చు. ఈ మండే వేసవిలో ఈ సహజ పద్దతులను ఉపయోగించి మెరిసే చర్మాన్ని సులభంగా పొందవచ్చు.

గంధం, ముల్తాన్ మట్టి పేస్ ప్యాక్

గంధం మరియు ముల్తాని  మట్టితో చేసిన ప్యాక్ ను వారానికి ఒకసారి లేదా రెండు వారాలకు ఒకసారి వాడటం వలన మంచి ఫలితాలను పొందుతారు. ఈ ప్యాక్ మీ చర్మ పై ఉండే అధిక నూనెలను గ్రహిస్తుంది అలాగే  గంధం చర్మాన్ని మృదువుగా, సున్నితంగా మారుస్తుంది. ఈ మిశ్రమానికి రోజ్ వాటర్ ను కలిపి వాడటం వలన మంచి ఫలితాన్ని పొందవచ్చు. ఇది సహజ సిద్ద ఆస్ట్రిజెంట్ (రక్తస్రావ నివారిణి) గా పని చేస్తుంది అలాగే చర్మంపై ఉండే ఎరుపుదనాన్ని తగ్గేలా చేస్తుంది.

రోజ్ వాటర్

వేసవి కాలంలో రోజ్ వాటర్ ని రోజూ రెండు సార్లు వాడటం వలన జిడ్డు చర్మం నుండి ఉపశమనం పొందవచ్చు. చర్మ రంధ్రాలలో చేరిన దుమ్ము వలన బాక్టీరియా ఇన్ఫెక్షన్ లకు గురై, మొటిమలు ఇతర చర్మ వ్యాధులు రాకుండా ఈ  రోజ్ వాటర్ కాపాడుతుంది.

పెసరపప్పు తో స్క్రబ్

ఇంట్లోనే తయారు చేసిన పెసరపప్పు స్క్రబ్ ను రెండు రోజులకు ఒకసారి ముఖానికి వాడటం వలన మొటిమలు తగ్గుముఖం పడతాయి. అంతేకాకుండా, ముఖ చర్మంపై ఉన్న అధిక నూనెలను గ్రహించి, సహజ సిద్ద ఎక్సోఫోలేట్ గా పని చేస్తుంది.

చెమటను ఎప్పటికపుడు తుడవండి

చర్మంపై ఇన్ఫెక్షన్ లు కలగకుండా ఉండాలంటే ఎప్పటికపుడు శుభ్రంగా ఉండాలి. అంటే  ముఖంపై చెమట ఉత్పత్తి చెందిన వెంటనే టవల్ లేదా జేబులో ఉండే రూమాల్ లేదా ఫేస్ క్లీనింగ్ ప్యాడ్ లతో ఎప్పటికపుడు శుభ్రపరచుకోవాలి. ఇంట్లో వాడే టాల్కమ్ పౌడర్ కూడా చెమటను గ్రహించుటకు సహాయపడుతుంది.

60 లో కూడా 20 లా ఉండాలని ఎవరికి ఉండదు చెప్పండి. మీకు మాత్రం అలా ఉండాలని లేదా చెప్పండి ? ప్రతిఒక్కరూ తమ వయస్సు కంటే చిన్నవారిలా కనపడాలనే కోరుకుంటారు. కాని అది సాధ్యమా? కొన్ని ఆహారపదార్ధాలను తినడం వల్ల వయస్సు పై బడినట్లు కనపడదు అని కొంతమంది నిపుణులు తెలియజేసారు. అలాంటి పదార్ధాలు ఏమిటో ఇప్పుడు తెలుసుకుందాం. కొంత మంది చిన్న వయస్సులోనే పెద్ద వారిలా కనపడతారు. మరికొంత మంది వయస్సు పెద్దదైనా చిన్నవారి లా కనపడతారు. ఇదంతా తినే తిండి మీద మరియు వారి వంశపార్యం మీద ఆదారపడి ఉంటుంది. ఇప్పుడు యాంటీ ఏజింగ్‌ ఫుడ్స్‌ ఏమిటో చూద్దాం

బ్లూ బెర్రీస్‌

బ్లూ బ్రెరీస్‌ లో ఎక్కువగా యాంటీఆక్సిడెంట్స్‌ ఉండడం వలన ఆరోగ్యంగా ఉంచుతుంది. దీనిని రోజూ తినడం వల్ల ఆరోగ్యవంతులుగా తయారవుతారు. దీనిలోని యాంటీఆక్సిడెంట్స్‌ వివిధ రకాల వ్యాధుల భారినుండి రక్షిస్తుంది. అంతేకాకుండా దీనిలోని ఫైబర్‌ కంటెంట్‌ శరీరానికి కావలసిన విటమిన్స్‌ మరియు ముఖ్యమైన ఖనిజాలని అందజేస్తుంది. దీనివల్ల శరీరం యవ్వనంగా కనపడడంలో సహాయపడుతుంది.

పిస్తా

పిస్తా అత్యంత పోషక విలువలు కలిగిన పప్పుదినుసులు. ఇవి పైన షెల్‌ కలిగి ఉంటాయి. ఈ విధంగా షెల్‌ లేని నట్స్‌తో షెల్‌ ఉన్న నట్స్‌ని పోల్చిచూస్తే తక్కువ కేలరీలు కలిగి ఉన్నట్లు పరిశోధకలు తేల్చిచెప్పారు. వీటిని తినడం వలన మంచి ఆరోగ్యంతో పాటు వృద్ధాప్యాన్ని కూడా మరిపించవచ్చు.

చేపలు 

చేప వారానికి 2 లేదా 3 సార్లు తినడం వల్ల ఆరోగ్యానికి, అలాగే కంటి సమస్యలను నివారించడానికి చాలా బాగా ఉపయోగపడతాయి.చేపలో ప్రొటీన్స్‌ మరియు ఒమేగా 3ప్యాటి  ఆసిడ్‌లు అధిక మోతాదులో ఉంటాయి. ముఖ్యంగా వైల్డ్‌ సాల్మన్‌ తినడం వలన దీనిలోని ప్యాటీ ఆసిడ్స్‌ వలన మీ వయస్సును తగ్గించి మీరు యవ్వనంగా ఉండేలా చేస్తుంది. ఇది మంచి యాంటీఏజింగ్‌ గా పనిచేస్తుంది. నిపుణులు దీనిని సిఫార్స్‌ చేస్తున్నారు. దీనిని మీ ఆహారంలో కుదిరినప్పుడల్లా తినడం చాలా మంచిది.

పెరుగు

పెరుగు ఆరోగ్యానికి చాలా మంచిది. పెరుగులో షుగర్‌ మరియు లాక్టోస ఉంటాయి. ఇది శరీరం లోపల తయారయ్యే బ్యాక్టీరియా వృద్ధిని అడ్డుకుంటుంది. శరీరానికి కావలసిన కాల్షియం అందిస్తుంది. పెరుగు పేగులోని రుగ్మతలను మరియు ఇతర వ్యాదులను దూరం చేయడానికి సహాయపడుతుంది. అంతే కాకుండా ఈ గ్రీక్‌ పెరుగును తినడం వలన యాంటీ ఏంజింగ్‌ గా పని చేస్తుంది. తొందరగా వచ్చే ముసలి తనాన్ని రానివ్వదు. యవ్వనంలో ఉంచడానికి సహాయపడుతుంది. అని నిపుణులు అంటున్నారు.

కాఫీ

కాఫీ గుండె జబ్బులను అరికట్టడంలో సహాయపడుతుంది. కాఫీ తాగడం వలన చాలా లాభాలు ఉన్నాయంటున్నారు నిపుణులు. డయాబెటీస్‌ ని అరికట్టడంలో తనవంతు సాయం చేస్తుంది. అలా అని అధికంగా తాగడం కూడా మంచిది కాదు. కాఫీ తక్కువ చక్కెర మరియు క్రీమ్‌ వేసుకుని తాగడం వల్ల మంచి ఫలితాలకు పొందవచ్చు. ఇది కూడా వయస్సు మళ్ళిన తనాన్ని దూరం చేస్తుంది.

ఓట్స్‌ 

ఓట్స్‌ లో అత్యంత పోషక విలువలు కలిగి ఉన్నాయి. అధిక మోతాదులో పైబర్‌ ఉండడం వలన ఓట్స్‌ని తక్కువ మోతాదులో తీసుకున్న కడుపు నిండిన ఫీల్‌ కలుగుతుంది. అందువల్ల ఇప్పుడు చాలామంది దీన్ని అల్పాహారంగా తీసుకుంటున్నారు. దీనిని రోజూ తినడం వలన బరువును నియంత్రించుకోవచ్చు.
ఇవి ఆరోగ్యానికి చాలా మంచిది. అందువల్ల రోజూ వీటిని ఆహారంగా తీసుకోవడం వలన మంచి ఫలితం పొందుతారు. అంతేకాకుండా ఇది యాంటీఏజింగ్‌ గా కూడా పనిచేస్తుంది.

పాలకూర

పాలకూర ఆరోగ్యానికి చాలా మంచిది. ఆకు కూరలలో అధిక మోతాదులో విటమిన్లు కలిగిన కూర ఏది అంటే పాలకూర అని చెప్పాలి. దీనితో విటమిన్‌ సి,కె, కాల్షియం, ఇనుము, విటమిన్‌ ఇ, మెగ్నీషియం, పొటాషియం వీటితో పాటుగా పీచు పదార్ధాలు కూడా ఉన్నాయి. దీనిలోని ఫోలేట్‌ కొత్త కణాలను  ఏర్పరచడంలో సహాయపడుతుంది.

మొక్కజొన్న

మొక్కజొన్న లో అధికంగా పైబర్‌ కంటెంట్‌ ఉంటుంది. ఇది క్యాన్సర్‌ కలిగించే కారకాలను దూరం చేస్తుంది. దీనిలో 1పి6 కాంపొనెంట్‌ ఉండడం వలన ఇది క్యాన్సర్‌ కలిగించే కారకాలను చంపడంలో అద్బుతంగా పనిచేస్తుంది. అంతే కాకుండా ఇది యాంటీ ఏజింగ్‌ గా కూడా ఉపయోగపడుతుంది.

దాల్చిన చెక్క

ఇది సుగంధద్రవ్యాలలో ఉపయోగిస్తారు. దాల్చిన చెక్క ఒక ఔషద వాహిని దీనిని చాలా రకాల రెమెడీస్‌లో వాడుతున్నారు. అదే విధంగా సౌందర్య సాధనాలలో కూడా దీనిని అధికంగా వాడుతున్నారు. మీరు ప్రతి రోజు దాల్చిన చెక్క పొడిని భోజనం తర్వాత తీసుకోవడం వలన ఆరోగ్యంగా ఉంటారు. అంతేకాకుండా తొందరగా వయస్సు మళ్ళిన మాదిరిగా మారదు. దీనిని రోజూ ఆహారం తీసుకున్న తరువాత పావు టీస్పూన్‌ దాల్చిన చెక్కపొడిని తీసుకోవాలి. రోజూ ఇలా చేయండి ఫలితాన్ని మీరే గమనించండి.

డార్క్‌ చాక్లెట్స్‌

ఈ డార్క్‌ చాకెట్ల్స్‌ తక్కువ మోతాదులో తిన్నా సరే కడుపునిండిన ఫీలింగ్‌ కలుగుతుంది. ఇది జీర్ణక్రియకు సహాయపడుతుంది. అంతే కాకుండా గుండెకు సంబంధించిన వ్యాదులను కూడా దూరం చేస్తుంది. ఇది శరీరంలోని కేలరీలను తగ్గించి యాంటీ ఏజింగ్‌ కి సహాయపడుతుంది. ఇది జీర్ణక్రియని మెరుగు పరుస్తుంది.

చిలకడదుంపలు

చిలకడదుంపలో విటమిన్‌ ఎ ఉంటుంది. దీనిని అధికంగా తినడం వలన కంటి సమస్యలు తలెత్తవు. అదేవిధంగా ఎముకలను దృఢంగా చేస్తుంది. చిలకడదుంపలో విటమిన్‌ సి, పొటాషియం, విటమిన్‌ బి౬ మరియు బీటాకెరోటిక్‌ అధికంగా ఉన్నాయి. దీనిని రోజూ తినడం వలన యవ్వనంగా ఉంటారు. ఈ తియ్యని దుంపలను తినడం వలన అల్ట్రా వైలెట్‌ వల్ల నష్టం వాటిల్లిన చర్మాన్ని తిరిగి పునరుర్ధరిస్తుంది.

పుచ్చకాయ

సూర్యకాంతి వల్ల దెబ్బతిన్న చర్మాన్ని పుచ్చకాయ నయం చేస్తుంది. పుచ్చకాయ చర్మాన్ని యవ్వనంలో ఉండేలా తీర్చిదిద్దుతుంది. దీనిలో లైకోపీన్‌ మరియు బీటా-కెరోటిన్‌ వంటి విటమిన్లు ఉండడం వలన ఇది చర్మాన్ని ఆరోగ్యవంతంగా ఉంచడంలో సహాయపడుతుంది.

గ్రీన్‌టీ

గ్రీన్‌టీ రోజూ తాగడం వలన వృద్ధాప్యసమస్యను దూరం చేస్తుందని చాలా పరిశోధనలలో వెల్లడయింది. ఇది డిఎన్‌ఎ నిర్మాణాన్ని మెరుగుపరుస్తుంది. వయస్సు పై బడే వారిలో కణాలను క్షీణించ కుండా చూసుకుంటుంది. అందువల్ల వారు యవ్వనంగా కనపడే అవకాశం అధికం గ్రీన్‌టీని చల్లగా లేదా వేడిగా తాగవచ్చు ఇది ఎప్పుడూ మీరు యవ్వనంలో ఉన్నారనే భావన కలిగేలా చేస్తుంది. అంతేకాకుండా గ్రీన్‌లో చాలా ఔషధ గుణాలు ఉన్నాయి.

అందంగా ఆకర్షణీయంగా కనబడాలని ప్రతి ఒక్కరూ కోరుకుంటారు. అయితే అలా కనిపించడం కోసం వేలకు వేలకు పోసి మార్కెట్లో అనేక రకాల క్రీములు కొంటుంటారు. ఇదిలా ఉంటే కొంత మంది మాత్రం తెలివిగా అంతడబ్బుఖర్చులేకుండా ఇంట్లో ఉండే వాటితోనే ఎంతో అందంగా ఆకర్షణీయంగా కన్పిస్తుంటారు. అదెలా అంటే... సరిగ్గా గమనిస్తే మనం రోజూ వాడే వాసెలిన్‌ ని చాలా రకాలుగా ఉపయోగించుకోవచ్చు. చాలా మంది చర్మం ఎప్పుడూ జీవం లేకుండా పొడిబారిపోయి ఉంటుంది. అలాంటి వారు రకరకాల జెల్స్‌ అని అవి ఇవి కొని డబ్బును వృదా చేస్తారు. అసలు వాసెలిన్‌ ని పొడిబారిన చర్మానికే కాకుండా చాలా రకాల సౌందర్యసాధనాలుగా వాడవచ్చు. వాసెలిన్‌ ని ఉపయోగించి అందమైన మృదువైన పెదాలను పొందవచ్చు అంతే కాదు ఇంకా మనకు తెలియని ఎన్నో రకాల ప్రయోజనాలు దాగి ఉన్నాయి. అవేమిటో ఒక్కసారి చూసేద్ధామా... మరెందుకు ఆలస్యం ఆర్టికల్‌ లోకి ఎంటర్‌ అయిపోండి.

లిప్‌బామ్‌ 

సాదారణంగా వాసెలిన్‌ ని పెదాలకు లిప్‌బామ్‌గా ఉపయోగిస్తారు. పెదాలపైన వాసెలిన్‌ రాసుకొని మీకు నచ్చినట్లయితే లిప్‌స్టిక్‌ కూడా రాసుకోవచ్చు. మీ పెదాలపై డెడ్‌స్కిన్‌ ని కూడా తొలగించడంలో వాసెలిన్‌ ఉపయోగపడుతుంది. వాసెలిన్‌ ని పెదాలకు రాసుకుని కొంత సమయం గడిచిన తరువాత మృదువైన పాత టూత్‌ బ్రష్‌తో పెదాలను నెమ్మదిగా స్క్రబ్‌ చేసుకోవాలి. ఆ తరువాత చల్లని నీటితో శుభ్రంగా కడగాలి. ఇలా వారానికి ఒకసారి చేయడం వల్ల మృదువైన పెదాలు మీ సొంతం అవుతాయి.

మాయిశ్చరైజర్‌ 

పొడిబారిన చర్మానికి ఇది మంచి ఔషదమనే చెప్పాలి. మోచేతులు, మోకాళ్ళ వద్ధ చర్మం నల్లగా మారుతుంది. రోజూ వాసెలిన్‌ ని రాసుకుంటే మృదువైన చర్మం మళ్ళీ తిరిగి లభిస్తుంది. అంతేకాదు నైట్‌ పడుకునే ముందు శరీరానికి మాయిశ్చరైజర్‌ రాసుకుని పడుకోవడం వల్ల ఉదయం సూర్యకిరణాల వేడి నుండి శరీరాన్ని కాపాడుకోవచ్చు.

షేవింగ్‌ 

వాసెలిన్‌ ఉపయోగించి రేజర్‌ గ్లైడ్‌ సహాయంతో పల్చని గడ్డాన్ని సులభంగా షేవ్‌ చేసుకోవచ్చు.

గోర్లు

చాలా మంది మగువలకు గోర్లు పెంచడం వాటికి రకరకాల రంగులు వేయడం  అంటే చాలా ఇష్టం. అయితే ఇలా గోర్లకు నెయిల్‌ పాలిష్‌ వేయడం వల్ల గోర్ల మీద వాటి మచ్చలు ఉండిపోతాయి వాటిని తొలగించడంలో కూడా వాసెలిన్‌ జెల్లీ ఉపయోగపడుతుంది. నెయిల్‌ పాలిష్‌ని రిమాల్‌ చేసాక జెల్లీతో గోర్లను శుభ్రం చేస్తే అందంగా షైనింగ్‌ గా మారుతాయి.

క్లెన్సర్‌ 

రాత్రి పడుకునే సమయంలో మేక్‌ప్‌ని శుభ్రం చేసి పడుకోవడం చాలా మంచిది. కాటన్‌ బాల్‌ తో జెల్లీని తీసుకుని ముఖాన్ని శుభ్ర పరుచుకోవాలి. అలాగే మెడ భాగాన్ని, చెవులను కూడా దూదితో శుభ్రంగా తుడవాలి. ఇలా చేయడం వల్ల ముఖం మృదువుగా సున్నితంగా మారుతుంది. సన్‌బర్న్‌ నుండి చర్మాన్ని రక్షిస్తుంది.

ఐమేకప్‌ రిమూవర్‌

ఈ కాలంలో ఆడపిల్లలు కళ్ళకు మస్కారా అని ఐ లైనర్‌ అని రాసుకుంటున్నారు. వాటిని నిద్రపోయే ముందు శుభ్ర పరుచుకుని పడుకోవాలి. వాసెలిన్‌ ని దూదితో కొద్ధిగ తీసి నెమ్మదిగా కళ్ళపై ఉన్న మేకప్‌ని తుడుచుకోవాలి. ఇలా చేయడం వల్ల కళ్ళపై పొడిబారకుండా మృదువుగా కాంతి వంతంగా ఉంటుంది.

బాడీ స్క్రబ్‌ 

ఈ స్క్రబ్‌ ని సులభంగా తయారుచేసుకోవచ్చు. కొద్ధిగ సముద్రపు ఉప్పు మరియు వాసెలిన్‌ ని కలపాలి. ఈ మిశ్రమాన్ని మృదువుగా శరీరం అంతా రాసి స్క్రబ్‌ చేయాలి.

 ఫేస్‌క్రీమ్‌

వాసెలిన్‌ ని రాత్రి పడుకునే ముందు ముఖానికి రాసి పడుకోవడం వల్ల ముఖం చాలా కాంతివంతంగా మారుతుంది. మార్లిన్‌ మన్రో రోజు ఇలానే చేసేవారట. అలాగే కళ్ళ కింద ప్రదేశంలో వాసెలిన్‌ ని రాసుకుని పడుకుంటే మంచి ఫలితం ఉంటుంది.

కనుబొమ్మల ఎదుగుదలకు

చాలా మందికి కనుబొమ్మలు పల్చగా ఉంటాయి. అలాంటి వారు రోజూ పడుకునే ముందు కనుబొమ్మలకి వాసెలిన్‌ రాసుకుని పడుకోవాలి. ఇలా రోజూ చేయడం వల్ల కనుబొమ్మలు వత్తుగా పెరుగుతాయి.

మెరిసే దంతాల కోసం

వాసెలిన్‌ జెల్లీ తో దంతాలను తుడవడం వల్ల దంతాలు మెరుస్తూ కాంతివంతంగా మారుతాయి.

డై మరకలు

చాలా మంది జుట్టుకు రంగు వేసుకుంటారు వాటి మరకలను సులభంగా తొలగించాలంటే వాసెలిన్‌ జెల్లీని ఉపయోగిస్తే సరి.

చెప్పులు కరవకుండా ఉండాలంటే

షూ, చెప్పులు కొత్తవిగా ఉన్నప్పుడు చాలా ఇబ్బంది కరంగా ఉంటుంది అలాంటి సమయంలో వాసెలిన్‌ ని కాలికి రాసుకుని ధరించడం వల్ల చెప్పులు కరవవు అలాగే ఎటువంటి మచ్చలు పడవు.

లాంగ్‌లాస్టింగ్‌ పరిమళం

ఎక్కువ సమయం పరిమళ భరితంగా ఉండాలంటే ఆ ప్రదేశంలో వాసెలిన్‌ రాసుకుని దానిపై పర్‌ప్యూమ్‌ కొట్టినట్లయితే చాలా సమయం పరిమళం వెదజల్లుతుంది.