బొద్దింకలు ముఖ్యం గా వంటగదిలో చాలా ఇబ్బంది పెడతాయి, కానీ ఇంట్లోనే ఉండే కొన్ని సులభమైన వాటిని ఉపయోగించి నేచురల్ చిట్కాలు వాడితే వీటిని దూరం పెట్టొచ్చట. అవేమిటో ఇప్పుడు చూద్దాం..

బొద్దింకల్ని తరిమికొట్టే సింపుల్ చిట్కాలు

1. బేకింగ్ సోడా + పంచదార

• సమాన మోతాదులో బేకింగ్ సోడా, పంచదార కలిపి బొద్దింకలు తిరిగే మూలలలో, సింక్ దగ్గర చల్లాలి.
• పంచదార వాసనకి బొద్దింకలు వస్తాయి → తిన్న తర్వాత బేకింగ్ సోడా వల్ల చనిపోతాయి.

2. బోరాక్స్ పొడి + పిండి

• 1 స్పూన్ బోరాక్స్ పొడిని కొద్దిగా పిండి లేదా పంచదారలో కలిపి ఉంచాలి.
• ఇది బొద్దింకలకు విషంలా పనిచేస్తుందట. (⚠️ పిల్లలు, పెంపుడు జంతువులు  అందుకోలేని చోట పెట్టండి. పిల్లలు ఉన్నవాళ్లు ఇలాంటి విషయాల్లో జాగ్రత్తగా ఉండడం మంచిది).

3. నిమ్మకాయ తొక్కలు

• బొద్దింకలు ఎక్కువగా వచ్చే మూలల్లో, అల్మారీల్లో పొడిచేసిన నిమ్మకాయ/కామలాపండు తొక్కలు పెట్టాలి.
• వీటి వాసన బొద్దింకలు అస్సలు ఇష్టపడవు.

4. వెల్లులి, ఉల్లిపాయ నీరు

• ఒక గ్లాస్ నీటిలో 4–5 వెల్లులి రెబ్బలు, సగం ఉల్లిపాయ ముద్ద వేసి ఉంచాలి.
• ఈ మిశ్రమాన్ని స్ప్రే బాటిల్‌లో వేసి బొద్దింకలు వచ్చే మూలల్లో స్ప్రే చేస్తే అవి దూరం అవుతాయి.

5. కొబ్బరి నూనె + పసుపు

• కొద్దిగా కొబ్బరి నూనెలో పసుపు కలిపి మూలల్లో రాయండి.
• ఇది యాంటీ ఇన్సెక్ట్ గుణాలు కలిగి ఉండి బొద్దింకలను తరిమేస్తుంది.

 అదనంగా పాటించవలసినవి

* సింక్, డ్రెయిన్ ఎప్పుడూ శుభ్రంగా ఉంచాలి.

* రాత్రి తిన్న ప్లేట్లు, ఆహారపు గిన్నెలు అలాగే వదలకూడదు ఆలా ఉంచడం వాళ్ళ బొద్దింకలు సమస్య ఇంకా ఎక్కువ అవుతుంది.

* చెత్త డబ్బా మూత వేసి ఉంచాలి.

* వంటగది మూలల్లో వారానికి ఒకసారి అయినా ఫినైల్ నీరు లేదా డెటాల్ నీటితో శుభ్రం చేసుకోవాలి.

అలోవెరా చర్మం ఇంకా జుట్టుకి చాలా మేలు చేస్తుంది అని అందరికి తెలుసు కానీ కొంతమందికి అలోవెరా ని ఏ విధంగా ఉపయోగించాలో తెలియక దాని జోలికి వెళ్ళరు. ఇది వాడడం వల్ల మన స్కిన్ మరియు హెయిర్ ఎంత బాగుంటుందో తెలిస్తే తప్పక ట్రై చేస్తారు. అలోవెరా నేచురల్ మాయిశ్చరైజర్, యాంటీబ్యాక్టీరియల్, యాంటీఆక్సిడెంట్ లాంటి గుణాలు కలిగి ఉంటుంది. అలోవెరా స్కిన్ అండ్ హెయిర్ కి ఎలా పనిచేస్తుందో చూద్దామా..

ముఖానికి (Face) అలోవెరా వాడే విధానం

1. కాంతివంతమైన చర్మం కోసం:

   * అలోవెరా ఆకును కోసి పైన దుమ్ము ఉంటుంది కాబట్టి శుభ్రం చేసుకొని లోపల ఉండే జెల్ తీసుకోవాలి.

   * ముఖంపై ఆ జెల్ ని  అప్లై చేసి 15–20 నిమిషాల తర్వాత గోరువెచ్చని నీటితో కడగాలి.

   * రోజూ వాడితే స్కిన్ ఫ్రెష్‌గా, గ్లోయింగ్‌గా ఉంటుంది.

   * ముఖం మరింత కాంతివంతంగా ఉండాలంటే మరొక చిట్కా చిటికెడు పసుపు, ఒక చెంచా పాలు, కొంచెం 

       రోజ్‌వాటర్, చెంచా తేనె వీటన్నింటినీ బాగా కలుపుకోవాలి. 

   * ఈ మిశ్రమానికి అలోవెరా జెల్ జోడించి బాగా మిక్స్‌ చేసుకోవాలి. దీన్ని ముఖానికి, మెడకు పట్టించి 

      ఇరవై నిమిషాలు ఉంచుకోవాలి. తర్వాత శుభ్రం చేసుకుంటే ముఖం కాంతివంతంగా మారుతుంది.

2. పింపుల్స్ / మచ్చలు తగ్గించేందుకు:

   * అలోవెరా జెల్‌లో ఒక చిటికెడు పసుపు కలిపి ముఖానికి అప్లై చేయాలి.
   * ఇది డార్క్ స్పాట్స్ తగ్గించడంలో సహాయపడుతుంది.

3. పొడిబారిన చర్మానికి:

  * అలోవెరా జెల్ + కొబ్బరి నూనె కలిపి రాత్రివేళ ఫేస్ ప్యాక్‌లా వేసుకోవాలి.పడుకునే ముందు శుభ్రం 
      చేసుకొని పడుకోవాలి 
   * చర్మం మృదువుగా, తేమగా ఉంటుంది.

జుట్టుకు అలోవెరా వాడే విధానం:

1. హెయిర్ మాస్క్:

   * అలోవెరా జెల్‌ను నేరుగా తలకు, జుట్టు కుదుళ్ళకి (రూట్స్)రాయాలి.
   * 30–40 నిమిషాలు అలాగే ఉంచి తేలికపాటి షాంపూతో తలస్నానం చేయాలి.
   * జుట్టు మెరిసిపోతుంది, డ్రైనెస్ తగ్గుతుంది. మెత్తగా సిల్కీ గా అనిపిస్తుంది.

2. చుండ్రు తగ్గించేందుకు:

    * అలోవెరా జెల్‌లో కొన్ని చుక్కలు నిమ్మరసం కలిపి తలకు అప్లై చేయాలి.
    * ఇది చుండ్రు తగ్గించి, స్కాల్‍ప్‌ను కూల్‌గా ఉంచుతుంది. నెమ్మదిగా చుండ్రు సమస్య ని తగ్గిస్తుంది.

3. జుట్టు పెరగడానికి అలోవెరా:

   * అలోవెరా జెల్ + కస్టర్ ఆయిల్ కలిపి వారానికి 2 సార్లు తలకు మర్దన చేయాలి.
   * జుట్టు రాలిపోవడం తగ్గి కొత్త జుట్టు పెరుగుతుంది.

⚠️ **జాగ్రత్త:**

* మొదట అలోవెరా జెల్ వాడే ముందు చేతిపై కొంచెం రాసి అలర్జీ వస్తుందా చూడండి.
* అలర్జీ లేకపోతేనే ఫేస్/హెయిర్ మీద వాడండి.
* ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించండి. 

ప్రాచీన కాలం నుంచి హిందువులు తులసి మొక్కకి చాల ప్రాధాన్యత ఇచ్చేవారు ఇంకా చాలా పవిత్రంగా పూజిస్తారు. రోజూ తులసిని పూజించడం వల్ల ఎన్నో ఆరోగ్య ప్రయోజనాలు ఉన్నాయి. శాస్త్రీయంగా కూడా తులసి ఇంట్లో ఉంటే మంచిదని మనఅందరికీ తెలుసు. అంతేకాకుండా తులసి ఇంట్లో ఉంటే రోగనిరోధక శక్తి పెరుగుతుంది. తులసి రోజంతా ప్రాణవాయువును విడుదల చేస్తుంది అంట. తులసి శాస్త్రీయ నామము వచ్చేసి ఓసిమమ్ టెన్యూయి ఫ్లోరం. ఇప్పుడు తులసి యొక్క ఔషధ గుణాలు ఏంటో ఇప్పుడు తెలుసుకుందాం...

తులసిని పూజించడానికి కారణమేంటి?

పురాణాల్లో తులసి మొక్కను కొలిచేందుకు రకరకాల కథనాలు ఉన్నాయి. తులసి మొక్కను సనాతన ధర్మంలో వివిధ రకాల దేవతలు, పవిత్ర గ్రంథాలకు ప్రతిరూపంగా భావిస్తారు. అలాగే లక్ష్మీ దేవికి భౌతిక రూపమని అందుకే తులసి మొక్కను ప్రతి రోజూ ఎంతో భక్తితో కొలిస్తే లక్ష్మీదేవి అనుగ్రహం లభిస్తుంది అని హిందువుల నమ్మకం. తద్వారా మానసిక ప్రశాంతతను పొందుతారు. అంతేకాకుండా తులసి కోట ఇంట్లో ఉంటే ఏమైనా వాస్తు దోషాలు ఉన్న తొలగిపోతాయట.

 తులసి చేసే ఆరోగ్య ప్రయోజనాలు

ప్రకృతి ప్రసాదించిన గొప్ప దివ్యౌషధం తులసి. మహాభారత కాలంలో ఘటోత్కచుడు కూడా మోయలేని ఆ భగవత్ స్వరూపమైన శ్రీ మహావిష్ణువుని ఒక్క తులసీ దళం తూయగలిగింది. అంత గొప్పది ఈ తులసి.

• కొన్ని తులసి ఆకులను రాత్రంతా నీటిలో నానబెట్టి ఉదయం ఆ నీటితో పళ్ళు తోముకుంటే నోటి దుర్వాసన, నోటిపొక్కులు తగ్గుతాయి.
• ఉదయాన్నే గుప్పెడు తులసి ఆకులను దంచి కషాయంగా కాచి కానీ, లేదా ఆ తులసి ఆకుల రసం లో ఒక చెంచా తేనె చేర్చి కానీ తాగితే కఫం తగ్గుతుంది.
• తులసి ఆకుల రసంలో తేనెని కలిపి రోజుకి రెండు సార్లు చొప్పున తీసుకుంటే దగ్గు, జలుబు తగ్గుతాయి. అలాగే జలుబు, దగ్గుతో భాదపడే వారు ఒక టీ స్పూను శొంఠి, ఒక టీ స్పూను మిరియాల పొడి, అయిదు నుంచి పది తులసి ఆకులు వేసి మరిగించిన నీటిని(కషాయం) తాగితే కూడా ఫలితం ఉంటుంది.
• కళ్ళు మంటలు, కళ్ళవెంట నీరు కారడం లాంటి సమస్యలతో బాధపడేవారు తులసి ఆకుల రసాన్ని దూదితో కను రెప్పల మీద రాసి చూడండి (కంట్లో పడకుండా జాగ్రత్త వహించండి)ఫలితం ఉంటుంది.
• తులసి ఆకుల రసానికి శరీర ఉష్ణోగ్రతను సమతుల్యంగా ఉంచే గుణం ఉంటుంది. తులసి ఆకులు, పుదీనా ఆకులు కలిపి కషాయంగా కాచి తాగితే రోజు వారీ వచ్చే జ్వరం తగ్గుతుంది.
• తులసి ఆకులను మజ్జిగతో కలిపి తీసుకుంటే  బరువు తగ్గుతారట. తులసి శరీరంలో ఉండే అధిక కొవ్వును నివారించే గుణం ఉంది.
• తులసి ఆకుల్ని నీళ్ళలో వేసి మరిగించి ఆ నీటితో పుక్కిలిస్తే గొంతు నొప్పులు తగ్గుతాయి.
• తులసి రసాన్ని తేనెతో కలిపి ఒక స్పూను ప్రతిరోజూ తాగితే నోటి పూత, గొంతునొప్పి, బొంగురుపోయిన గొంతు సాఫీగా మారుతుంది.
• తులసి రసం, ఉల్లిపాయరసం, అల్లం రసం, తేనె కలిపి ఆరు చెంచాలు రెండుపూటలా తాగితే విరేచనాలు, రక్తవిరేచనాలు అరికడుతుందంట .
• జీర్ణ శక్తికి తులసి చాలా మంచి ఔషధం. తులసి ఆకులు నాలుగు, మిరియాలు రెండు వేసి మెత్తగా నూరి చిన్న మాత్రగా చేసుకుని భోజనానికి అరగంట ముందుగా వేసుకుంటే బాగా ఆకలి వేస్తుంది అంట. తిన్నది కూడా జీర్ణమవుతుంది.
• కడుపులోని క్రిములను పారదోలే శక్తి తులసికి ఉందంట. తులసిని వాడితే క్రిములు తొలగడమే కాక రక్తహీనత కూడా నివారించబడుతుంది.
• 8 ఏళ్ల పైబడిన చిన్న పిల్లలు అన్నం తినకుండా మారాం చేస్తుంటే అలాంటివారికి రోజూ ఉదయం నాలుగు తులసి ఆకులు తినిపిస్తే జీర్ణక్రియ సాఫీగా జరిగి ఆకలి బాగా వేస్తుంది.

 

ప్రపంచలో మనకు తెలియని చాలా విషయాలు ఉన్నాయి. కొన్ని విషయాలు మనకు ఆశ్చర్యాన్ని గురిచేస్తాయి. అలాంటి కొన్ని మనకు తెలియని ఆసక్తి కరమైన విషయాలు ఇప్పుడు చూద్దాం.

• ప్రెట్టి బాయ్ ఫ్లాయిడ్ అనే వ్యక్తి  అమెరికాలో ఎక్కువ మంది ఇష్టపడే దొంగ అంట . 1920 సంత్సరంలో ఎన్నో బ్యాంకులో దొంగతనం చేసి దొంగతనం చేసిన ప్రతి బ్యాంకు లో ఎంతో మంది పేదలకి సంబంధించిన రుణ పత్రాలని కాల్చేసేవాడు. అలా  ఒక దొంగ ఐనా ఆరోజుల్లోనే ఎంతోమందికి రుణ మాఫీ చేసాడు. అందుకే ఇతని అంతక్రియలలో కొన్ని వేళ మంది పాల్గొని ఇతనికి సంతాపం తెలిపారంట. నిజంగా మంచి దొంగ కదా !

• ప్రపంచంలోనే ఎక్కువుగా అమ్ముడు అయ్యే బిస్కట్ ఏంటో తెలుసా పార్లే జి . ప్రతి రోజు ప్రపంచవ్యాప్తంగా సుమరుగుగా 48,00,00,000 కోట్ల పార్లే జి బిస్కట్ ప్యాకెట్లు అమ్ముడు అవుతున్నాయట.

• ప్రపంచంలోనే అతి చిన్న పార్క్ పేరు మిల్ ఎండ్స్ పార్క్. ఇది అమెరికాల లోని పోర్ట్ ల్యాండ్ అనే ప్రాంతం లో ఉంది.ఇది కేవలం రెండు అడుగులు మాత్రమే ఉంటుందట. ప్రపంచంలోనే అతి చిన్న పార్క్ గా ఇది గిన్నెస్ బుక్ రికార్డు ఎక్కింది.

• ప్రపంచంలోనే మోస్ట్ డేంజరస్ పాయిజన్ సైనైడ్ ఇది మనం తినే ఆపిల్ గింజలో కూడా ఉంటుందట. కానీ ఇది చాలా తక్కువ మొత్తంలో ఉండడం వల్ల  మన శరీరం దాని ప్రభావాన్ని తట్టుకుంటుంది. ఒక మనిషి చనిపోవాలి అంటే బాడీలో ఒక కేజీ బరువుకి ఒక మిల్లి గ్రామ్ సైనైడ్ అవసరం ఉంటుంది.ఒక ఆపిల్ గింజలో 0.49 mg సైనైడ్ ఉంటుంది.అంటే 50 కేజీల బరువు ఉన్న వ్యక్తి ఒకేసారి 120 ఆపిల్ గింజలు తింటే చనిపోయే అవకాశం ఉంది. పొరపాటున ఒకటి రెండు గింజలు తిన్నాకూడా మనకి ఏమి కాదు.

• ఆడ కంగారూలు ఒకేసారి రెండు పిల్లలకు రెండు స్తనాల నుంచి రెండు రకాల పాలివ్వగలవట. పుట్టి నెలల వయసున్న కంగారూకు పిండి పదార్ధాలు ఎక్కువగా ఉండే పాలిస్తుందంట. అదే సమయం లో మరో కంగారూ పుడితే దానికి కొవ్వు పదార్ధాలు ఎక్కువ గా ఉండే పాలిస్తుంది. అంటే…ఒకేసారి రెండు పిల్లలకు రెండు రకాల పాలన్నమాట.

• ప్రపంచంలో అత్యధిక వేగంతో గాలులు వీచే ప్రదేశం అంటార్కిటికాలోని కామన్వెల్త్‌బే. అక్కడ గాలి గంటకు 150 మైళ్ళ వేగంతో వీస్తుంది

• స్వీడన్ లో ఐస్ తో నిర్మించబడిన హోటల్ ఉంటుంది. సీజన్ మారుతున్నప్పుడు ఈ హోటల్ కరిగిపోతుంది,అందుకే ఈ హోటల్ ను ప్రతి ఏటా నిర్మిస్తూనే ఉంటారు.

• స్ట్రాబెరీలలోకన్నా నిమ్మకాయల్లో చక్కెర శాతం ఎక్కువ.

• ఊసరవెల్లి నాలుక దాని శరీరం కంటే రెండు రెట్లు పొడవుగా ఉంటుంది.

•  ఒకే పరిమాణం లో ఉన్న ఇనుప గొట్టం, మనిషి ఎముకలను పరీక్షిస్తే మనిషి ఎముకే బలమైనదని తేలింది.

•  ఏ రెండు జీబ్రాల వంటి మీది గీతలు….ఒకేలా ఉండవు.

• చీమలకు సుద్దపొడి గిట్టదు. అందుకే సుద్దముక్కతో గీసిన గీతాలను అవి దాటలేవు.

• మనకు మాట్లాడేటప్పుడు ఒక్కోసారి ఒక్కోమాట ఎంత ఆలోచించిన తట్టదు…ఈ స్థితిని lethologica అని అంటారట.

ఇప్పుడున్న పరిస్థితుల్లో కచ్చితంగా అందరూ కూడా మాస్క్లని ధరించాల్సిందే .. కాబట్టి ఏ పనిమీద బయటకు వెళ్ళవలసి వచ్చినా కచ్చితంగా మాస్క్ని ధరించాలి అని  చెబుతున్నారు నిపుణులు.

కాబట్టి మీకు మాస్క్ అందుబాటులో లేకపోతే.. మీరే స్వయంగా ఇంట్లోనే మాస్క్ ని తయారు చేసుకోవచ్చు .

కావాల్సిన వస్తువులు

1. కాటన్ మెటీరియల్

2. 4 క్లాత్ స్ట్రిప్స్(చెవులకు తగిలించుకునేందుకు సన్నని తాడులాగా కుట్టుకోండి )

3. కత్తెర

4. కుట్టుమిషన్

• ముందుగా కాటన్ మెటీరియల్ ని  కత్తిరించుకోవాలి..

• పెద్దవారికైతే : 9 X 7 ఇంచులు

• చిన్నవారికైతే : 7 X 5 ఇంచులు

• ఇప్పుడు 4 స్ట్రిప్స్ ని  క్లాత్కి కట్టేందు, అదే విధంగా పైపింగ్లా చేసేందుకు కొంచం క్లోత్ కట్ చేసుకోవాలి.

• కట్ చేసి పెట్టుకున్న క్లాత్ ని పైన, కింద ఇలా  చివరలు (పైపింగ్)  నీటి గా కుట్టుకోండి.

• ఇప్పుడు ఆ క్లాత్ని కిందకి ప్లీట్స్ (మడత) పెడుతుూ కుట్టుకోవాలి. ఒక్కో ప్లీట్ 1.5 ఇంచ్ వచ్చేలా కుట్టుకోవాలి.పెట్టుకున్న తర్వాత రెండు పక్కలా పైపింగ్ చేయాలి.

• ఇలా తయారైన మాస్క్కి కట్టుకునేందుకు నాలుగువైపులా స్ట్రిప్స్ క్లాత్ని కుట్టాలి.

• ఇప్పుడు మీకు మాస్క్ రెడీ అయినట్లే, ఇది తయారు చేయడం మాత్రమే కాదు.. తయారైన మాస్క్ని ఎలా వాడాలన్నది కూడా ముఖ్యమే. మాస్క్ని మొత్తం నోరు, ముక్కు కవర్ అయ్యేటట్టు ముఖానికి, మాస్క్కి గ్యాప్ లేకుండా కట్టుకోవాలి. అదే విధంగా.. ప్లీట్స్ కిందికి ఉండేలా కట్టు కోవాలి.

• మీరు రెండు మాస్క్ ని వాడడం మంచిది. ఒకటి ఉతికినప్పుడు ఇంకొకటి వాడొచ్చు.

మాస్క్ వాడే ముందు తీసుకోవాల్సిన జాగ్రత్తలు

• మాస్క్ని వాడే ముందు కచ్చితంగా  శుభ్రం చేయాలి అదే విధం గా చేతులను  కూడా శుభ్రం చేసుకోవాలి.

• మాస్క్ త్వరగా మెత్తగా అయినట్లు అనిపిస్తే వేరే మాస్క్ వాడడం మంచిది.

• ఒకసారి వాడిన మాస్క్ని క్లీన్ చేయకుండా మరోసారి అసలు వాడరాదు  .

మాస్క్ తీసేటప్పుడు..

మాస్క్‌ని ముందుభాగంలో ఎప్పుడు కూడా టచ్ చేయొద్దు. కేవలం పక్కభాగంలో ఉన్న స్ట్రింగ్స్ ద్వారే తీసేయాలి. తీసిన వెంటనే మీ చేతులని70 శాతం ఆల్కహాల్ ఆధారిత శానిటైజర్ లేదా సబ్బు నీటితో 40 సెకన్ల పాటు బాగా రుద్దుతూ కడగాలి. మాస్క్‌ని ఉప్పు కలిపిన మరుగుతున్న నీటిలో లేదా సబ్బు నీటిలో నేరుగా వేయండి.

వాడిన మాస్క్ని ప్రతి రోజూ ఇంట్లోనే ఎలా క్లీన్ చేసుకోవాలి ?

• రెండోసారి వాడలేని మాస్క్లని వాష్ చేయొద్దు. ఎందుకంటే అవి ఉతకాల్సిన మెటిరీయల్ కాదని గుర్తుపెట్టుకోవాలి.

• వాడిన మాస్క్లని సబ్బు, వేడి నీటితో ఉతికిన తర్వాత దానిని ఎండలో కనీసం 5 గంటలపాటైనా ఆరవేయాలి.

ఎండ లేకపోతే ?

వాడిన మాస్క్ని ప్రెజర్ కుక్కర్లో వేసి కనీసం 10 నిమిషాల పాటు ఉడకబెట్టి ఆరేయాలి. ఆ నీటిలో ఉప్పు వేస్తే మంచిది. కుక్కర్ లేకపోయినట్లైతే దానిని వేడినీటిలో 15 నిమిషాల పాటు ఉడకబెట్టొచ్చు.

కుక్కర్, వేడి నీటిని వాడే వీలు లేకపోతే ?

మాస్క్ని సబ్బుతో శుభ్రం చేసి దానిని 5 నిమిషాల పాటు మీడియం వేడితో ఐరన్ చేయొచ్చు.

మాస్క్ని ఎలా స్టోర్ చేసుకోవాలి ?

ఇంట్లో ఏదైనా ప్లాస్టిక్ కవర్ ఉంటే తీసుకోవాలి. దీనిని సబ్బు నీటితో శుభ్రంగా కడగాలి. తర్వాత దానిని రెండు వైపులా ఆరవేయాలి. ఇప్పుడు అందులో రెండో మాస్క్ని పెట్టి దాచొచ్చు.

అయితే, ఈ కవర్ని ఎప్పుడు కూడా సీల్ చేయడం చాలా ముఖ్యం. 

ఎందుకు కాటన్ మాస్క్ని ఉపయోగించాలి ?

కాటన్ మాస్క్ల గురించి శాస్త్రవేత్తలు ఏం చెబుతున్నారంటే.. ఇంట్లో తయారు చేయడం వలన ఇవి కాస్తా పెద్దవిగా ఉంటాయి దాని  వల్ల వైరస్లు సోకే ప్రమాదం తక్కువగా ఉంటుంది. ఇవి చిన్న చిన్న వైరస్లని కూడా మనదరికి చేరనివ్వవు. వీటిని ఇంట్లో తయారు చేయడం కూడా చాలా సులభం.